Kuba, një aleat i ngushtë i Rusisë, ka kritikuar Shtetet e Bashkuara  se kanë kontribuuar gradualisht  në zgjerimin e  NATO-s deri në kufirin me Rusinë, duke i bërë  thirrje për një zgjidhje diplomatike të krizës me Ukrainën,  me qëllim ruajtjen e paqes botërore.

Zyrtarët kubanë thanë së Amerika ka kërcënuar për javë të tëra Rusinë dhe se ka manipuluar komunitetin ndërkombëtar për  rrezikun e luftës Rusi-Ukrainë. Në një deklaratë mbrëmë, Ministria e Jashtme Kubane tha se Shtetet e Bashkuara kanë intensifikuar kërcënimet e tyre kundër Rusisë, duke e përkeqësuar krizën.

Deklarata e Ministrisë së Jashtme Kubane nuk përmend në mënyrë specifike ndihmën ruse për rajonet separatiste të Ukrainës lindore.

“Qeveria amerikane ka kërcënuar Rusinë për javë të tëra dhe ka manipuluar komunitetin ndërkombëtar për rreziqet e një ‘pushtimi masiv të afërt’ të Ukrainës”, thuhet në deklaratë.

Në deklaratën e  lëshuar dje, Kuba përshkroi “dialogun konstruktiv dhe respektues” të nevojshëm për të zgjidhur krizën në Ukrainë.

“Ne i bëjmë thirrje Shteteve të Bashkuara dhe NATO-s që të marrin seriozisht dhe realisht kërkesat e arsyeshme për garancitë e sigurisë të Federatës Ruse, e cila ka të drejtë të mbrohet,” tha ai .

“Vendosmëria e Shteteve të Bashkuara për të imponuar një zgjerim gradual të NATO-s në kufijtë e Federatës Ruse përbën një kërcënim për sigurinë e saj kombëtare dhe për paqen rajonale dhe globale, ” thuhet në deklaratë./abcnews.al/